Ֆրանսերեն լեզվի խորացված ուսուցում` թիվ 119 դպրոցում

Այսօր ՀՀ ԿԳ նախարար Արմեն Աշոտյանն ու ՀՀ-ում Ֆրանսիայի արտակարգ եւ լիազոր դեսպան Անրի Ռենոն ստորագրեցին կրթական համագործակցության հուշագիր, ըստ որի` Երեւանի Բենիամին Ժամկոչյանի անվան թիվ 119 ավագ դպրոցում կանցկացվեն ֆրանսերեն լեզվի խորացված ուսուցման դասընթացներ, ինչպես նաեւ լրացուցիչ ֆրանկոֆոն ծրագիր կիրականացվի:

Լրագրողների հետ զրույցում Արմեն Աշոտյանը նշեց, որ դպրոցում կիրականացվի «Ֆրանսերեն լեզու» եւ «Ֆրանսերեն գրականություն» առարկաների խորացված ուսուցում` որպես հիմնական առարկաներ, «Ֆրանսիայի պատմություն եւ աշխարհագրություն» եւ «Ֆրանսիական քաղաքակրթություն» առարկաների ուսուցում` որպես լրացուցիչ կրթական ծրագրի դասընթացներ` գնահատման համակարգի կիրառմամբ:

Անրի Ռենոն էլ նշեց, որ ուսուցման ավարտից հետո կնպաստեն արժանավոր աշակերտների` ֆրանսիական բուհերում սովորելուն:

Մանրամասները` տեսանյութում: