Սիրիայի նոր ղեկավարը հայտարարել է, որ զենք օգտագործելու իրավունք կունենա միայն պետությունը

Սիրիայում այսուհետ զինված ուժեր օգտագործելու իրավունք կունենա միայն պետությունը։ Այս մասին Դամասկոսում ազգային երկխոսության առաջին համաժողովում ասել է անցումային շրջանում Սիրիայի նախագահ Ահմեդ ալ-Շարաան։ Այս մասին հայտնում է Al Arabiya-ն։

«Զինված ուժերի միասնությունը, դրանց նկատմամբ պետության մենաշնորհը շռայլություն չէ, դա բարոյական պարտք ու պարտավորություն է»,- ասել է ալ-Շարաան։

Նշենք, որ 2024 թվականի դեկտեմբերին Դամասկոսը գրավելուց հետո սիրիական նոր վարչակազմը ցրեց նախկին զորքերը և անվտանգության ծառայությունները՝ մտադրություն ունենալով ինտեգրել տարբեր զինված խմբավորումներին բանակի կազմավորման մեջ։ Ալ-Շարաան նշել է, որ քրդական ստորաբաժանումները պետք է դառնան նոր զինված ուժերի մաս։