Ռուբեն Վարդանյանը հրաժարվել է ադրբեջանցի պետական փաստաբանից

Այսօր Բաքվում շարունակվել է բարերար, Արցախի նախկին պետնախարար Ռուբիկ Վարդանյանի դեմ շինծու գործով  դատավարությունը։ Ադրբեջանական լրատվամիջոցների հաղորդմամբ՝ Ռուբեն  Վարդանյանը նիստերի դահլիճում հայտարարել է այդ երկրի կողմից նշանակված  պաշտպան Ազեր Մագերրամովի ծառայություններից։

Ռուբեն Վարդանյանը պաշտոնապես հրաժարվել էր պետության կողմից նշանակված փաստաբանի ծառայություններից նաեւ  հունվարի 27-ի նիստում։ Վարդանյանը պարզաբանել էր, որ այս փաստաբանը իրեն ոչ մի իրավական օգնություն չի ցուցաբերել և երբևէ չի այցելել մեկուսարան։ Սակայն մեղադրող կողմն առարկել է՝ պնդելով, որ պետության կողմից նշանակված փաստաբանը պետք է մնա։ Այլ խոսքով պետության նշանակած փաստաբանը ծառայել է դատախազությանը եւ ոչ թե կատարել իր մասնագիտական պարտականությունները։

Ռուբեն Վարդանյանի իրավունքները դատարանում կպաշտպանի  միայն իր վարձած փաստաբան Ավրաամ Բերմանը, հետեւապես միայն նա է իրավասու հանդես գալ բարերարի անունից։