Յունուսին երկրորդ անգամ զրկել են փաստաբանից

Ադրբեջանցի փաստաբան Խալիդ Բագիրովը հեռացվել է կալանքի տակ գտնվող իրավապաշտպան Լեյլա Յունուսի պաշտպանությունից: Այդ մասին ադրբեջանական Turan-ին տեղեկացրել է ինքը` փաստաբանը:

«Ինձ այսօր թույլ չտվեցին մտնել Յունուսի մոտ և ասացին, որ գլխավոր դատախազության ծանր հանցագործությունների քննության վարչությունից նամակ են ստացել այն մասին, որ ինձ հեռացրել են Լեյլա Յունուսի պաշտպանությունից: Պատճառները չեն նշել»,- ասել է Բագիրովը:

Նրան թույլ չեն տվել նաև հանդիպել մյուս պաշտպանյալի՝ Ռասուլ Ջաֆարովի հետ:

Сontact.az-ը հիշեցնում է, որ ավելի վաղ Յունուսին զրկել էին նաև փաստաբան Ջավադ Ջավադովի պաշտպանությունից, և չի բացառվում, որ կհեռացվի նաև երրորդ փաստաբանը: