Մեզ պետք չէ, որ ընտրությունների ժամանակ «ականջին կրակեն». Լուկաշենկո

Բելառուսի նախագահ Ալեքսանդր Լուկաշենկոն հունվարի 3-ին հանդիպել է շրջանային գործկոմների և Մինսկի քաղաքային գործկոմի նախագահների հետ։ Այս մասին հայտնում է նրա մամուլի ծառայությունը։

«Ոչ մի դեպքում չպետք է խախտվի ընտրական օրենսդրությունը։ Անկեղծ ասած, դա մեզ ընդհանրապես պետք չէ։ Պետք է այս ժամանակը արժանապատվորեն անցկացնենք, որպեսզի առաջին հերթին արտասահմանից մեզ վրա ամենտեսակի աղբ չթափվի։ Նաև ներսում, որպեսզի չփչացնենք մարդկանց տրամադրությունը։ Ընտրությունները պետք է տոնի նման լինեն։ Մեզ պետք չէ ամերիկյան շոու, որտեղ կրակում են ականջին կամ գլխին։ Մեզ պետք է, որ այս ընտրություններն անցկացվեն արժանապատվորեն, այլ ոչ թե հերթական անգամ մեզ քննադատության ենթարկեն»,- ասել է նա։