Լավրովը զանգահարել է Բայրամովին. հայտնի է՝ ինչ են քննարկել

Ռուսաստանի արտգործնախարար Սերգեյ Լավրովը զանգահարել է Ադրբեջանի արտգործնախարար Ջեյհուն Բայրամովին։

Ինչպես հաղորդում է ՌԴ ԱԳՆ-ն, ի հավելումն այսօր ՌԴ և Ադրբեջանի նախագահների միջև տեղի ունեցած զրույցի, երկրների արտգործնախարարները քննարկել են «Ադրբեջանական ավիաուղիներ»-ի (AZAL) ինքնաթիռի կործանման հետ կապված զարգացումները։ Մարդատար ինքնաթիռը ավիավթարի էր ենթարկվել դեկտեմբերի 25-ին Ղազախստանի Ակտաու քաղաքի մոտ, որի հետևանքով 38 մարդ է զոհվել:

«Ընդգծվել է միջադեպի միջադեպի բոլոր պատճառները պարզելու և հրատապ միջոցներ ձեռնարկելու անհրաժեշտությունը՝ ապագայում նմանատիպ իրավիճակները կանխելու և տեղի ունեցածը բոլոր հանգամանքները հաշվի առնելով՝ վերջնականապես և ամբողջությամբ լուծելու համար։

Մտքերի փոխանակում է տեղի ունեցել նաև բարձր և ամենաբարձր մակարդակներով ռուս-ադրբեջանական առաջիկա շփումների վերաբերյալ»,- ասված է ՌԴ ԱԳՆ հաղորդագրության մեջ։