Առանձին վկաներ հարցաքննվել էին օրենքի ակնհայտ կոպիտ խախտումով․ Սուրեն Մանուկյանի փաստաբան

«Առանձին վկաներ հարցաքննվել էին օրենքի ակնհայտ կոպիտ խախտումով»,-այս մասին դատական նիստից հետո ասաց Սուրեն Մանուկյանի փաստաբան Ռաֆիկ Մելքոնյանը։ 

Նշենք, որ դեռևս 2022 թ. օգոստոսի 11-ից քրեական գործ էր հարուցվել և քրեական հետապնդում էր սկսվել ՀՅԴ անդամ, ԱԺ 6-րդ գումարման նախկին պատգամավոր Սուրեն Մանուկյանի նկատմամբ: Վերջինս մեղադրվում է խմբի կազմում «Ազատ դեմոկրատներ» կուսակցության նախագահ Խաչատուր Քոքոբելյանի հորը առևանգելու և նրա որդիներից առանձնապես խոշոր չափերի գումար շորթելու համար։ Քրեական գործով Սուրեն Մանուկյանի նկատմամբ որպես խափանման միջոց է կիրառվել կալանավորումը։  2022 թ. օգոստոսի 11-ից Սուրեն Մանուկյանն ազատազարկված է։ Սուրեն Մանուկյանն իրեն առաջադրված մեղադրանքը համարում է շինծու և իրեն մեղավոր չի ճանաչում։

Նաև նշենք, որ  այս փուլում դատարանը լսում և հարցեր է ուղղում գործով անցնող վկաներին։ Դատական նիստի ավարտին դատավորը հայտնեց, որ վկաներից 2-ին կլսեն հաջորդ նիստին, որը տեղի կունենա նոյեմբերի 27-ին։  

Մանրամասն՝ տեսանյութում։