Փաշինյանը ստեղծել է միանձնյա իշխանություն, այսօրվա խայտառակ խոսույթը ԱԺ ում դրա վկայությունն է․ սահմանադրագետ

«Այսօրվա իշխանությունները դավաճանական քայլեր են կատարել և՛ արցախահայության նկատմամբ, և՛ ցեղասպանության ճանաչման հետ կապված։ Այսօր մենք գործ ունենք մի իրականության հետ, երբ Հայաստանի Հանրապետության սահմանադրական կարգի հիմունքները տապալված են»,-այս մասին Սուրբ Աննա եկեղեցու բակում հայտարարեց սահմանադրագետ Վարդան Պողոսյանը։

Նրա խոսքով՝  Սահմանադրությունն ունի բարձրագույն իրավաբանական ուժ, բայց մենք տեսանք, թե ինչպես այդ բարձրագույն սահմանադրական ուժը 2019 և 2020 թվականներին ոտնահարվեց Ազգային ժողովի կողմից, որը, չունենալով ոչ մի լիազորություն, գլխատեց Սահմանադրական դատարանը։
«Պետական դավաճանությունը սահմանվում է որպես թշնամու կողմն անցնելը Հայաստանի Հանրապետության քաղաքացիների կողմից, ի վնաս Հայաստանի Հանրապետության ինքնիշխանության, տարածքային անձեռնմխելիության ու անվտանգության։ Մենք ունենք մի հանցակազմ, որի հատկանիշները Փաշինյանն ու իր կառավարությունը բավարարել է, երբ Տավուշից սկսած հանձնել է այն տարածքները, որոնք Հայաստանի Հանրապետության տարածքներն էին և դա արել է Սահմանադրության համապատասխան օրենքների կոպիտ ոտնահարմամբ»,-ասաց նա։
 

Մանրամասն՝ տեսանյութում։