Օրը գալու է ու այդ ամենը ոչ միայն բացահայվելու է,  նաև դրվելու է սեղանին․ Տիգրան Թորոսյան

«Տգիտությունը, սուտը կեղծիքն ու փաստերի, փաստաթղթերի նենգափոխումը տապալեցին բանակցային գործընթացն ու առիթ դարձան 2020-23 թթ. ադրբեջանա-թուրքական ռազմական ագրեսիայի համար, որն աղետալի հետևանքներ ունեցավ հայկական երկու պետությունների համար»,- «Սրբազան պայքար» շարժման  կազմակերպած «Դեպի կայուն և երկարարաժամկետ խաղաղություն» խորագրով պանելային քննարկմանն ասաց ԱԺ նախկին նախագահ Տիգրան Թորոսյանը։

Նա նշեց, որ Ադրբեջանը ձգտում  է ստորագրել խաղաղության պայմանագիրը, քանի որ շատ լավ գիտի, որ նոյեմբերի 9-ի հայտարարությունը որևէ իրական հիմք չի կարող լինել այն քայլերի համար, որոնք արվեցին այդ հայտարարության հիման վրա։

«Օրը գալու է ու այդ ամենը ոչ միայն բացահայվելու է,  նաև դրվելու է սեղանին։ Ադրբեջանն ուզում է ստանալ իրավական փաստաթուղթ, որը կամրագրի Հայաստանի կապիտուլյացիան»,- ասաց Տ. Թորոսյանը։

Նա նշեց, որ սահմանազատման, սամանագծման կանոնակարգ դեռ չկա, բայց Հայաստանից տարածքներ են տալիս Ադրբեջանին, ինչն անհեթեթ, ոչ իրավական գործընթաց է։ 
«Հայաստանը հապշտապ նվիրաբերվում է Ադրբեջանին»,- ընդգծեց ԱԺ նախկին նախագահ Տիգրան Թորոսյանը։

Մանրամասն՝ տեսանյութում։