Փոքր ու միջին տնտեսվարողների հանդեպ նոր քաղաքականությունը գործի է դրվելու հոկտեմբերի 1-ից

ՀՀ ֆինանսների փոխնախարար Վախթանգ Միրումյանը լրագրողների հետ զրույցում, պատասխանելով Yerkir.am-ի այն հարցին, թե արդյո՞ք ֆինանսների նախարարության նոր քաղաքականությունը ստվերի կրճատման ուղղությամբ չի վնասի փոքր և միջին տնտեսվարողներին, պատասխանեց, որ այդ ուղղությամբ տարվող նոր քաղաքականությունը դեռ հոկտեմբերի 1-ից է գործածության մեջ դրվելու:

Այդ քաղաքականությունը հետևյալն է` կտրուկ թեթևացնել փոքր բիզնեսի բեռը, որովհետև, ըստ փոխնախարարի, գաղտնիք չէ, որ երկուսուկես տոկոս դրույքաչափը սահմանվեց մեկ տոկոս, և ներկայումս բավական ակտիվ աշխատանքներ են կատարվում իրազեկման ուղղությամբ:

«Միայն մենք չենք, որ շփվում ենք բիզնեսի հետ` իրազեկելով, որ տեղյակ լինեն, որ հոկտեմբերի 1-ից ավելի ցածր դրույքաչափեր են վճարելու, դա անում են նաև մի քանի ՀԿ-ներ: Միևնույն ժամանակ, փոքր բիզնեսին սովորեցնում ենք, որ պետք է բոլոր ձեռքբերումները համապատասխան փաստաթղթավորումներն ունենան։ Այսինքն` հիմա բավական ներգրավված են տնտեսվարողներին օգնելու աշխատանքների մեջ, որպեսզի նոր ռեժիմի գործածության պայմաններում նրանք իրազեկված լինեն»,- ասաց փոխնախարարը: