Հայաստանի իրական անվտանգային օրակարգը, ուշ թե շուտ, անցնելու է պատերազմի միջով, հեշտ չի տրվելու այդ անվտանգությունը․ Հրանտ Մելիք-Շահնազարյան

«Խաղաղություն ունենալու համար մի քանի անհրաժեշտ կետեր պետք է վերականգնենք. ունենանք իրական անվտանգային համակարգ»,-ասաց քաղաքագետ, «Ոսկանապատ» վերլուծական կենտտրոնի հիմնադիր Հրանտ Մելիք-Շահնազարյանը՝ «Սրբազան պայքար» շարժման  կազմակերպած «Դեպի կայուն և երկարարաժամկետ խաղաղություն» խորագրով պանելային քննարկմանը։

Քաղաքագետն ընդգծեց,որ խոսքը միայն ֆիզիկական անվտանգության մասին չէ, այլ՝ ռազմական, հոգևոր, տեղեկատվական, պարենային, սոցիալական և այլն։

«Ակնհայտ է, որ Հայաստանի իրական անվտանգային օրակարգն ուշ թե շուտ անցնելու է նոր պատերազմի միջով, չի տրվելու այդ անվտանգությունը, չեն լինելու խաղաղության կայուն երաշխիքներ, մինչև այն չնվաճվի»,-ասաց նա՝ ընդգծելով, որ սրա մասին տարբեր պատճառներով քաղաքական ուժերն ու գործիչները չեն ցանկանում խոսել։

Հրանտ Մելիք-Շահնազարյանի խոսքով՝ նոր ձևավորվող աշխարհակարգի պայմաններում լինելու է պայքար այս տարածաշրջանի համար, և հաղթելու է նա, ով ավելի պատրաստ է դրան։

«Հստակ պետք է ֆիքսել, խաղաղությունն անցնելու է պատերազմի միջով»,-ասաց բանախոսը։

Մանրամասն՝ տեսանյութում։