ՌԴ-ն հույս ունի, որ ՀԱՊԿ-ում ՀՀ-ի լիարժեք մասնակցությունը կվերականգնվի․ Զախարովա

Ռուսական կողմը ակնկալում է Հավաքական անվտանգության պայմանագրի կազմակերպությանը (ՀԱՊԿ) Երևանի լիիրավ մասնակցության վերականգնմանը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան Արևելյան տնտեսական ֆորումի շրջանակում կայացած ճեպազրույցում, փոխանցում է ТАСС-ը։

«Մենք հույս ունենք ենք, որ բուն Հայաստանի և ամբողջ տարածաշրջանի ապագա անվտանգության շահերից ելնելով, մեր գործընկերությունը Հայաստանի հետ ՀԱՊԿ շրջանակներում ամբողջությամբ կվերսկսվի»,- նշել է դիվանագետը։

Նա ընդգծել է, որ Երևանը «դե յուրե մնում է ասոցիացիայի լիիրավ անդամ» և պահպանում է համապատասխան իրավունքներն ու պարտականությունները, սակայն ներկա փուլում Հայաստանի ղեկավարությունը փաստացի «հավատարիմ է մնում նման փոխգործակցությունից հեռանալու գծին», որը, ռուսական կողմի դիրքորոշմամբ, «հակասում է հայ ժողովրդի շահերին»։