կարևոր
1555 դիտում, 3 շաբաթ առաջ - 2024-06-21 21:18
Հասարակություն

Կրկին մեկնում եմ Սյունիք՝ Հայաստանի ռազմավարական և խոցելի տարածաշրջան․ Ֆրանսիայի դեսպան

Կրկին մեկնում եմ Սյունիք՝ Հայաստանի ռազմավարական և խոցելի տարածաշրջան․ Ֆրանսիայի դեսպան

Գորիսի համայնքապետարանից հայտնում են, որ ՀՀ-ում  Ֆրանսիայի Հանրապետության արտակարգ և լիազոր դեսպան Օլիվյե Դեկոտինյին այցելել է Գորիս։ Նա հանդիպել է Գորիս համայնքի ղեկավարի հետ։ 

«Կողմերը քննարկել են փոխադարձ հետաքրքրություն ներկայացնող հարցեր, ինչպես նաև Գորիսի զարգացման համագործակցության հեռանկարները: Դեսպանը կարևորել է Ֆրանսիայի հետ գործակցության խորացումը և հույս հայտնել համատեղ նոր նախագծերի իրականացման համար»,- նշված է համայնքապետարանի էջում:

Ավելի վաղ  ՀՀ-ում Ֆրանսիայի դեսպան Օլիվիե Դըկոտինյին X-ի իր էջում գրել է ․«Այսօր կրկին մեկնում եմ Սյունիք՝ Հայաստանի տարածքի ռազմավարական և խոցելի տարածաշրջան։  Կտեղականամ անվտանգություն և հումանիտար իրավիճակից, ապակենտրոնացված համագործակցությունից, գյուղատնտեսության զարգացումից և այլ հարցերից»։