Հայաստանը տարածաշրջանում ամենաքիչ խոցելի երկիրն է. հրապարակվել է «Խոցելի պետությունների ինդեքս-2016»-ը

«Խաղաղության հիմնադրամը» հրապարակել է «Խոցելի պետությունների ինդեքս-2016» ամենամյա վերլուծական աղյուսակը, որը ներկայացնում է աշխարհի 178 երկրների սոցիալական և տնտեսական կայունության մակարդակը:

Ըստ զեկույցի`  ամենախոցելի երկիրը Սոմալին է: Ամենախոցելիների առաջին տասնյակում են նաեւ  Հարավային Սուդանը, Կենտրոնական Աֆրիկան, Սուդանը, Եմենը, Սիրիան, Չադը, Կոնգոն, Աֆղանստանը, Հաիթին:
Ամենաապահով՝ քիչ խոցելի երկիրն աշխարհում Ֆինլանդիան է, որ վերջին՝ 178-րդ հորիզոնականում է:

Ամենաքիչ խոցելիների 10-յակում են երկրներն են Նորվեգիան, Նոր Զելանդիան, Դանիան, Շվեյցարիան, Ավստրալիան, Իռլանդիան, Շվեդիան, Իսլանդիան և Կանադան:

Հայաստանը 109-րդ հորիզոնականում է (նախազգուշացվող երկրների շարքում),եւ, փաստորեն,տարածաշրջանում լավագույն դիրքն է զբաղեցնում:

Ադրբեջանն 85-րդ հորիզոնականում է, Թուրքիան՝ 79-րդ: Վրաստանը զբաղեցնում է 73-րդ հորիզոնականը, Իրանը՝ 47-րդ:

Ռուսաստանը խոցելիների թվում 65-րդն է:

Ուսումնասիրության ընթացքում հաշվարկվում են ռազմական, սոցիալական, քաղաքական եւ  տնտեսական կայունության 12 ցուցանիշները, այդ թվում` փախստականների և ներքին տեղահանության ենթարկվածների հարցը, անհավասար  տնտեսական զարգացումը, աղքատության մակարդակը, իշխանությունների լեգիտիմությունը, հանրային ծառայությունների որակը, մարդու իրավունքների ու օրենքի պահպանումը, արտաքին միջամտությունները: