ՌԴ-ն և Հս. Կորեան ռազմավարական գործընկերության համաձայնագիր կստորագրեն

ՌԴ նախագահ Վլադիմիր Պուտինը հրամանագիր է ստորագրել Ռուսաստանի և ԿԺԴՀ-ի միջև ռազմավարական գործընկերության համաձայնագրի վերաբերյալ։ Ավելի վաղ նրա օգնական Յուրի Ուշակովը հայտնել էր, որ փաստաթուղթը կարող է ստորագրվել Վլադիմիր Պուտինի՝ Փհենյան կատարած այցի ժամանակ, գրում է kommersant.ru-ն։

«Ընդունել Ռուսաստանի արտաքին գործերի նախարարության առաջարկությունը, որը համաձայնեցվել է շահագրգիռ դաշնային կառավարական մարմինների և կազմակերպությունների հետ՝ համաձայնագիր ստորագրելու Ռուսաստանի Դաշնության և ԿԺԴՀ-ի միջև համապարփակ ռազմավարական գործընկերության մասին: Մենք նպատակահարմար ենք գտնում ամենաբարձր մակարդակով ստորագրել սույն հրամանով նախատեսված համաձայնագիրը», - ասվում է ՌԴ  նախագահի հրամանում։