կարևոր
2467 դիտում, 1 ամիս առաջ - 2024-04-25 20:08
Հասարակություն

«Ո՞նց եք միները հանում, որ թուրքը գա տրորի մեզ, անցնի՞, մեր երեխեքին մատաղ անի՞»․Կիրանցի բնակիչները զայրացած են

«Ո՞նց եք միները հանում, որ թուրքը գա տրորի մեզ, անցնի՞, մեր երեխեքին մատաղ անի՞»․Կիրանցի բնակիչները զայրացած են

Տավուշի մարզի Կիրանց գյուղում բնակիչները շարունակում են փակ պահել համայնքով անցնող ճանապարհը, կամուրջը, շրջափակել են նաև Ռազմական ոստիկանության՝ ճանապարհին գտնվող պահակակետը՝ փորձելով թույլ չտալ, որպեսզի կամրջի հատվածում ականազերծման աշխատանքներ կատարվեն:

«Ես չեմ հասկանում մին ինչի՞ համար է դրած եղել, որ էսօր հանում եք։ Թուրքին վստահել պետք չէ։ Մեր, մեր երեխեքի արյունին եք ծարավել, ինչի՞ եք հանում։ Ես զարմանում են ոնց է հայ ժողովուրդը գիշերը գլուխը հանգիստ դնում բարձին, քնում։ Ձեզ էլ են հասնելու,  ուշ ա լինելու, ուսադիրի համար եք ապրում»,- ասաց Կիրանցի բնակիչներից մեկը՝ հորդորելով դուրս գալ ու պայքարել այս ամենի դեմ, որպեսզի վաղն արդեն ուշ չլինի։