Այդ շինաշխատանքի ցնցումներից հնարավոր է տեղի ունենա պայթյուն կամ՝ «Սուրամլու 2»․ փաստաբանը նոր հայցեր կներկայացնի

ԳԱԱ Մնջոյանի անվան օրգանական և դեղագործական քիմիայի գիտատեխնոլոգիական կենտրոնի աշխատակիցներն այսօր բողոքի ակցիա էին  անում Կառավարության  շենքի մոտ և հանդիպում էին պահանջում իրավասու մարմինների հետ: Նրանք բողոքում են, որ ինստիտուտին պատկանող ջրավազանը տարիներ առաջ ապօրինաբար օտարվել է, հիմա էլ ջրավազանի տարածքում բնակելի շենք է կառուցվում: Շինարարական աղմուկը խանգարում է ինստիտուտի աշխատանքին: Լրագրողների հետ զրույցում փաստաբան Տիգրան Նաղդալյանը նշեց , որ Կենտրոնը պատրաստվում է նոր հայցեր ներկայացնել․ «Կարծում ենք գլխավոր դատախազությունը նորից գործողություններ պետք է իրականացնի՝ չսպասելով Վռաբեկի կողմից վարույթ կընդունվի թե՝ ոչ ։ Վտանգավոր նյութեր կան և շատ հավանական է որ այդ շինաշխատանքների ցնցումներից տեղի ունենա հերթական պայթյուն կամ՝ «Սուրմալու երկու»,-ասաց փաստաբանը։

Մանրամասն՝ տեսանյութում։