Հունաստանի վարչապետը ֆերմերներին 10 տարով էժան էլեկտրաէներգիա է խոստացել

Հունաստանի վարչապետ Կիրիակոս Միցոտակիսը ֆերմերներին խոստացել է 10 տարով էժան էլեկտրաէներգիա և այլ արտոնություններ՝ հուսալով, որ դա կբավարարի նրանց պահանջները, և նրանք կդադարեն փակել ճանապարհները։ Այս մասին հայտնում է ERT-news հեռուստաալիքը։

Դրա տվյալներով՝ բողոքող ֆերմերների համահոլանդական կոմիտեի ներկայացուցիչների հետ իր նստավայրում կայացած հանդիպմանը վարչապետն ասել է, որ գյուղացիները 10 տարով էժան էլեկտրաէներգիա են ստանալու: Նրանց նաև ավելի վաղ կվերադարձվի գյուղատնտեսական տեխնիկայի վառելիքի սպառման հատուկ հարկը՝ տարեկան մոտավորապես 82 միլիոն եվրոյի չափով: Մարտի վերջին կանխավճարը որպես հարկերի վերադարձի մաս կկազմի 40 միլիոն եվրո, խոստացել է Միցոտակիսը։

Ինչպես վստահեցրեց վարչապետը, էժան էլեկտրաէներգիայի ներդրման և վառելիքի սպառման հարկի վերադարձի միջոցառումներն անմիջապես կներկայացվեն խորհրդարանի հաստատմանը։

Միցոտակիսը նաև հայտարարել է, որ կառավարությունը պատրաստ է երկխոսություն սկսել 2025 թվականից և դրանից հետո սոցիալական ապահովության հարկերը վերադարձնելու ավելի արդար ճանապարհի շուրջ։ Մնում է պարզել, թե ինչպես է բաշխվելու վերադարձի գումարը, ով և երբ է այն ստանալու։

Միցոտակիսի այս հայտարարություններին երկրի ճանապարհներին բողոքող ֆերմերների արձագանքը դեռևս անհայտ է։