Փաստորեն, ասում եք՝ ոստիկանը թող տուգանի հավաքի մասնակիցներին․ օրենքի պահանջը գլխիվայր շուռ եք տալիս․ Մինասյան

« Ներկայում գործող կարգավորումներով, մի շարք իրավախախտումների մասով, ոստիկանությունն արձանագրում է իրավախախտումը, կազմում է արձանագրություն, սակայն  տուգանք չի կարող կիրառել, այլ պետք է դիմի դատարան․ հիմա դուք առաջարկում եք, մի շարք դեպքերով, հենց անմիջապես ոստիկանն ինքը կիրառի տուգանք և եթե քաղաքացին համաձայն չէ՝ դիմի դատարան։ Այդպիսի իրավախախտումները վերաբերվում են, ըստ էության, քաղաքական որոշակի իրավունքների իրացմանը, մասնավորապես, հավաքներ անցկացնելու՝ օրենքով սահմանված կարգի խախտմանը, որը դուք, փաստորեն, գլխիվայր շուռ եք տալիս և ասում՝ չէ, ոստիկանը թող տուգանի հավաքների կազմակերպիչներին, մասնակիցներին։ Ոստիկանությունն առանց դա էլ ունի հարկադրանքի միջոցներ, հիմա ասում եք՝ ոստիկան ինքդ որոշիր որն է օրինական պահանջը, կիրառի, մի հատ էլ՝ տուգանի»,-ԱԺ-ում ընթացքող քննարմանը նման դիտարկուներով դիմեց ՆԳ նախարարի տեղակալ Արփինե Սարգսյանին «Հայաստան» խմբակցության քարտուղար Արծվիկ Մինասյանը։