կարևոր
2269 դիտում, 6 ամիս առաջ - 2023-11-18 00:03
Հասարակություն

ՄՊՀ-ն, փաստորեն, պաշտպանում է ոչ թե քաղաքացու, այլ միայն խոշոր բիզնեսի շահերը․ Գառնիկ Դանիելյան

ՄՊՀ-ն, փաստորեն, պաշտպանում է ոչ թե քաղաքացու, այլ միայն խոշոր բիզնեսի շահերը․ Գառնիկ Դանիելյան

Վերջին օրերին հնարավոր բոլոր հարթակներից բարձրաձայնում եմ, որ Հայաստանում առանց որևէ օբյեկտիվ պատճառների և տնտեսագիտական հիմնավորումների թանկացել է դիզվառելիքի, բենզինի, հեղուկ գազի գինը։ Այս մասին գրել է ԱԺ «Հայաստան» խմբակցության պատգամավոր, ՀՅԴ Տավուշի Մարզային կոմիտեի ներկայացուցիչ Գառնիկ Դանիելյանը:

«Քիչ առաջ տեղեկացա, որ Մրցակցության պաշտպանության հանձնաժողովը անդրադառնալով հարցին՝ արձանագրել է, որ ՀՀ-ում բենզինի գործող գներն արտահայտում են օբյեկտիվ իրականությունը:

Դեռ ավելին, հաղորդագրության մեջ նշված է, որ Հանձնաժողովը մշտական կապի մեջ է գտնվում տնտեսավարողների հետ և, որ, գների բարձրացմանը զուգահեռ տնտեսավարողները նվազեցրել են իրենց շահույթը՝ նպատակ ունենալով ստեղծված պայմաններում հնարավորինս մեղմել գների ավելացումը:

Նախ նշեմ, որ ես անդրադարձել էի նաև հեղուկ գազի թանկացմանը, բայց իրենց «ձեռնտու» է եղել անդրադառնալ միայն բենզինի խնդրին։

Ստացվում է, որ Հանձնաժողովը իբրև թե կատարել է ուսումնասիրություն և պարզել, որ թանկացումները օբյեկտիվ հիմքեր ունեն։ Մինչդեռ, այսպիսի հայտարարությունները հիմք կարող են հանդիսանալ, որպեսզի տնտեսվարողները է՛լ ավելի բարձրացնեն բենզինի և հեղուկ գազի գինը։

ՄՊՀ-ն, փաստորեն, պաշտպանում է ոչ թե քաղաքացու, այլ միայն խոշոր բիզնեսի շահերը՝ չկատարելով իր պարտականությունները։

Սա անընդունելի է, և ես շարունակելու եմ պահանջել, որպեսզի թանկացման պատճառները պարզելու համար իրականացվի օբյեկտիվ ուսումնասիրություն»,- գրել է պատգամավորը։