WikiLeaks. Պոլսո Հայոց պատրիարքը պաշտպանում է իր համայնքի շահերը

Ստամբուլի «Ակոս» թերթի գլխավոր խմբագիր Հրանտ Դինքի սպանությունից հետո Պոլսո պատրիարք Մեսրոպ արքեպիսկոպոս Մութաֆյանը ԱՄՆ պետքարտուղարի տեղակալի օգնական Մեթյու Բրայզայի հետ հանդիպման ժամանակ մտավախություն է հայտնել, որ ԱՄՆ Կոնգրեսի կողմից Հայոց ցեղասպանությունը ճանաչող բանաձեւի ընդունումը կարող է հանգեցնել թուրքահայերի նկատմամբ բռնությունների. ասվում է Ստամբուլում ԱՄՆ հյուպատոս Դեբորա Ջոնսի` 2007-ի փետրվարի 23-ով թվագրվող հաղորդագրության մեջ, որը գաղտնազերծել է WikiLeaks-ը:

Իր մեկնաբանություններում Դեբորա Ջոնսը նշում է, որ Պոլսո Հայոց պատրիարքը պաշտպանում է իր համայնքի շահերը` ընդգծելով, որ Թուրքիայում ազգային փոքրամասնությունները սկզբում դե յուրե, իսկ հիմա նաեւ դե ֆակտո կրում են երկրորդ տեսակի քաղաքացիների պիտակը: