Լուկաշենկոյին նռնականետ են նվիրել

Բելառուսի նախագահ Ալեքսանդր Լուկաշենկոյին որպես նվեր նռնականետ են հանձնել, երբ նա այցելել է Գոմելում գտնվող 1868-րդ հրետանային զենքի բազա։ Այս մասին գրում է «Pul Pervogo» Telegram ալիքը, փոխանցում է Gazeta.ru-ն։

«Համալրե՛ք ձեր զինանոցը»,- զինվորականը բացատրել է նվերի նպատակը։

Լուկաշենկոյի մամուլի ծառայությունը նշել է, որ նախագահը բանակում ծառայելիս օգտագործել է ձեռքի հակատանկային նռնականետ։

Բելառուսի նախագահը բազա կատարած այցի ընթացքում ստուգել է վերանորոգման կետերը, զենքի պահեստային տարածքները, ինչպես նաև լսել է Բելառուսի պաշտպանության նախարարության ղեկավարի և ստորաբաժանման հրամանատարի զեկույցները։