Արցախում ձեթ և շաքարավազ ստանալու համար պետք է ներկայացնել ծնողի և անչափահաս երեխաների անձը հաստատող փաստաթղթեր

Տեղեկացնում ենք, որ Ստեփանակերտ քաղաքում փաստացի բնակվող և անչափահաս երեխաներ ունեցող այն ընտանիքները, որոնք չեն օգտվել ձեթի և շաքարավազի տեսքով տրամադրվող օգնությունից, այն ստանալու համար հունիսի 25-ից անհրաժեշտ է ներկայանան ԱՀ սոցիալական զարգացման և միգրացիայի նախարարության՝ Ազատամարտիկների 54 հասցեում գտնվող վարչական շենք:

Այս մասին հայտնում են ԱՀ սոցիալական զարգացման և միգրացիայի նախարարությունից:

«Օգնությունը ստանալու համար պետք է ներկայացնել ծնողներից մեկի և անչափահաս երեխաների անձը հաստատող փաստաթղթերի ու հանրային ծառայությունների համարանիշների բնօրինակները (սոցիալական ապահովության քարտը)»,- ասվում է հաղորդագրությունում: