Խաղաղության օրակարգը Տեղ գյուղ տեղ չի հասել. Ագնեսա Խամոյան

«Հայաստան» խմբակցության մի խումբ պատգամավորներ Տեղ գյուղի դիրքերում ադրբեջանական սադրանքի հետևանքով տեղի ունեցած միջադեպից հետո, մեկնել են Տեղ գյուղ՝ տեղում ծանոթանալու ստեղծված իրավիճակին։

Yerevan.Today-ի հետ զրույցում պատգամավոր Ագնեսա Խամոյանն ասաց, որ Տեղ գյուղում բնակիչների շրջանում խուճապ չկա, պատրաստակամորեն տրամադրված են պաշտպանել իրենց հողը, զենքը ձեռքներին կանգնեն զինվորի կողքին:

«Բնակիչները շատ լավ հասկանում են, որ ադրբեջանցիներից ամեն ինչ պետք է սպասել, սա միակ սադրանքը չէ:Խաղաղության օրակարգին այստեղ չեն հավատում, մարդիկ իրենց մաշկի վրա են զգում դրա սին լինելը, նրանց միակ հույսն ու ապավենը Հայոց բանակն է»,-ասաց նա: