կարևոր
2980 դիտում, 1 տարի առաջ - 2023-03-24 23:01
Քաղաքական

Թաիլանդում խստացնում են օրինախախտ զբոսաշրջիկների դեմ պայքարը

Թաիլանդում խստացնում են օրինախախտ զբոսաշրջիկների դեմ պայքարը

Թաիլանդի զբոսաշրջային ոստիկանությունը հայտարարել է զբոսաշրջության եւ հյուրընկալության ոլորտում հանցագործությունների դեմ պայքարի ուժեղացման մասին, հաղորդում է The Phuket News-ը:

Խոսքը օտարերկրացիների կողմից օրենքի խախտման և օտարերկրյա հյուրերի դեմ հանցագործությունների մասին է։ Հատուկ ուշադրություն կդարձվի վիզայի ավարտից հետո երկրում զբոսաշրջիկների անօրինական մնալուն։

Զբոսաշրջությանն առնչվող կրիմինալի դեմ պայքարի արշավի մեկնարկի մասին հայտարարել է ոստիկանության պետի տեղակալ, գեներալ-մայոր Պոնգսիամ Միկանթհոնգը:

Իրավապահներն առանձնացրել են զբոսաշրջային հանցագործությունների տասը տեսակ, որոնց թվում են վիզային ռեժիմի խախտումը և այլ զանցանքներ, որոնք ազդում են ամբողջ երկրում զբոսաշրջային բիզնեսի բոլոր բնագավառների վրա: