Ռուսաստանից խոստանում է արտաքսել 1 մլն օրինախախտ միգրանտների

2013 թվականի առաջին կիսամյակում Ռուսաստան է ներգաղթել մոտ 10 միլիոն մարդ: Միգրացիայի աճը կազմել է 12 տոկոս, իսկ վերջին 4 տարվա ընթացքում` 37 տոկոս: Ընդ որում` երկրում մշտապես բնակվում է միայն 800 հազար օտարերկրացի, ինչը 10 անգամ պակաս է, քան Եվրամիությունում: Այսօր այդ մասին հայտարարել է ՌԴ Միգրացիոն դաշնային ծառայության ղեկավար Կոնստանտին Ռոմոդանովսկին. տեղեկացնում է  NewsRu.com-ը:

Նրա խոսքերով` միգրանտների ներհոսքը վկայում է երկրի գրավչության եւ տնտեսական աճի մասին, սակայն մինչեւ տարեվերջ Ռուսաստանից խոստանում է արտաքսել մեկ միլիոն օրինախախտ միգրանտների:

Ավելի վաղ, մայիսին Ռոմոդանովսկին հանձնարարել էր Մոսկվայի ավտո- եւ երկաթուղային կայարաններում «ֆիլտրող պահակակետեր» ստեղծել, քանի դեռ ուժի մեջ չեն մտել նոր կանոնները. 2015 թվականի հունվարի 1-ից օտարերկյա քաղաքացիները իրավունք ունեն Ռուսաստան մուտք գործելու միայն արտասահմանյան անձնագրերով:

Իսկ այսօր Ռոմոդանովսկին հայտարարել է, որ խնդիրն այն չէ, որ միգրանտներ են գալիս, այլ այն, որ նրանք չեն հեռանում, ինչը «արդարացի դժգոհություն է առաջացնում տեղի բնակչության շրջանում»: