Օրինախախտ վարորդը եւ նրա 4 ընկերները

ՀՀ ոստիկանության աշխատակիցները  հոկտեմբերի 20-ին` ժամը 01.50-ին, Աբովյան փողոցում ճանապարհային երթևեկության կանոնների խախտման համար բաժին են տարել «ՎԱԶ-21010» մակնիշի ավտոմեքենայի վարորդին և 4 ուղևորներին:

Ոստիկանների պահանջով նրանցից մեկը ներկայացրել է մետաղյա կռփազենք, իսկ մյուսը`պոլիէթիլենային տոպրակում փաթեթավորված` 4.9 գ ընդհանուր կշռով կանաչավուն զանգված և հայտնել, որ զանգվածը մարիխուանա տեսակի թմրամիջոց է, այն պատրաստել է հոկտեմբերի 19-ի երեկոյան «Էրեբունի» թանգարանին հարակից սարից հավաքված կանեփից և պահել իր անձնական օգտագործման համար:

Նշանակվել են դատատեխնիկական, դատաքիմիական և տոքսիկքքիմիական փորձաքննություններ: Կատարվում է հետաքննություն: