կարևոր
2803 դիտում, 1 տարի առաջ - 2023-03-01 15:14
Քաղաքական

Փաստացի մենք քննարկում ենք սահմանադրությանը հակասող, այլ օրենքներին հակասող կարգավորում․ Թադևոս Ավետիսյան

Նախագիծը այն մասին է, որ քաղաքաշինության ոլորտում որոշակի լիազորություններ օրենքով պետք է վերապահվի կառավարությանը և դրանք այն լիազորություններն են, որոնք փաստացի այլ իրավական ակտերով կատարվում է, բայց մայր օրենքով քաղաքաշինության ոլորտի փորձում են այս լիազորությունները այստեղ ամբողջականացնել։ Այս մասին ԱԺ-ում հայտարարեց ՀՅԴ անդամ, ՀՀ ԱԺ «Հայաստան» խմբակցության պատգամավոր Թադևոս Ավետիսյանը։

«Հանձնաժողովում երբ քննարկում էինք այս հարցը առաջնային խնդիրներից մեկը իրավական խնդիրն էր, այսինքն նախագիծը ըստ էության համաձայն ԱԺ-ի փորձագիտական վերլուծական վարչության եզրակացության, այն էլ բավականին մանրամասն հիմնավորված, այս նախագծով առաջարկվող կարգավորումները խնդրահարույց են սահմանադրության հիմնական երկու սկզբունքների օրինականության և իրավական որոշակիության սկզբունքների  տեսանկյունից։ Երկրորդը վերաբերում է նորմատիվ իրավական ակտերի մասին օրենքի պահանջներին, այստեղ էլ ասում են, որ ոչ թե թերի էլ, այլ ընդհանրապես այդ պահանջները նկատի չեն առնվել և բացակայում են այդ պահանջների պահպանումը։ Հիմա այսպիսի նախագիծ բերել ԱԺ և ասել տեխնիկական բնույթի թերություն, ես չեմ կարծում որ ճիշտ է, հատկապես, երբ 4-5 տարի ժամանակ կար այս լիազորող նորմերը ամբողջականացնելու։ Փաստացի մենք քննարկում ենք սահմանադրությանը հակասող, այլ օրենքներին հակասող կարգավորում»,- ասաց նա։