կարևոր
3898 դիտում, 1 տարի առաջ - 2023-02-20 19:26
Աշխարհ

Մեդվեդեւը հայտարարել է, որ Բայդենը «անվտանգության երաշխիքներ» է ստացել Կիեւ մեկնելուց առաջ

Մեդվեդեւը հայտարարել է, որ Բայդենը «անվտանգության երաշխիքներ» է ստացել Կիեւ մեկնելուց առաջ

ՌԴ Անվտանգության խորհրդի փոխնախագահ Դմիտրի Մեդվեդեւը հայտարարել է, որ ԱՄՆ նախագահ Ջո Բայդենն «անվտանգության երաշխիքներ» է ստացել Ուկրաինա մեկնելուց առաջ։ Այս մասին նա գրել է իր Telegram-ալիքում։

Սակայն նա չի հստակեցրել, թե ով է նրան նման երաշխիքներ տվել։

«Բայդենը, նախապես ստանալով անվտանգության երաշխիքներ, վերջապես գնացել է Կիեւ»,- գրել է նա։

Ավելի վաղ Սպիտակ տան ազգային անվտանգության հարցերով խորհրդականի տեղակալ Ջոն Ֆայները հայտնել էր, որ ԱՄՆ նախագահ Ջո Բայդենի այցը Կիեւ պլանավորվել է ամիսներ շարունակ՝ Սպիտակ տան, Պենտագոնի եւ Գաղտնի ծառայության մասնակցությամբ։ Այս մասին նա հայտարարել էր ճեպազրույցում։

Նրա խոսքով՝ նախապատրաստմանը մասնակցել են նաեւ ամերիկյան հետախուզության աշխատակիցները։

Այցը կազմակերպվել է նաեւ նրա համար, որպեսզի ցույց տա, որ ԱՄՆ-ը կաջակցի Ուկրաինային այնքան ժամանակ, որքան անհրաժեշտ է, հավելել էր նա։

ԱՄՆ ազգային անվտանգության հարցերով խորհրդական Ջեյք Սալիվանի խոսքով՝ Կիեւում Բայդենի պատվիրակությունը փոքրաթիվ է եղել՝ բաղկացած մերձավոր խորհրդականներից եւ թիկնապահներից։