Կիև-Երևան-Կիև չարտերային չվերթով Հայաստան է ժամանել 144 մարդ, մեկնել՝ 151-ը

Ապրիլի 28-ին իրականացվել է Կիև-Երևան-Կիև չարտերային չվերթը, որով Հայաստան է վերադարձել 119 ՀՀ քաղաքացի, և ՀՀ մուտքի իրավունք ունեցող  Ուկրաինայի 25 քաղաքացի: Ընդհանուր թվով՝ 144 մարդ: Երևանից Կիև  է մեկնել Ուկրաինայի և Հայաստանի 151 քաղաքացի:

Այս մասին այսօր տեղեկացրել է Ուկրաինայում ՀՀ դեսպանությունն ու երախտագիտություն հայտնել Ուկրաինայի հայերի միությանը՝ երկու ուղղությամբ թռիչքի ֆինանսական ծախսերը հոգալու և դեսպանության հետ համախմբված կազմակերպչական հարցերը լուծելու համար:

«Հսկայական ծավալի աշխատանք են կատարել ՀՀ դեսպանության հյուպատոսական բաժինը (Մարինե Հայրապետյան), Օդեսայում գլխավոր հյուպատոսությունը և պատվավոր հյուպատոսների գրասենյակները։ Շնորհակալ ենք նաև մեր ուկրաինացի գործընկերներին, նաև դիվանագետներին, և, իհարկե, #SkyUp ընկերությանը»,-ասված է դեսպանության գրառման մեջ։