կարևոր
3271 դիտում, 1 տարի առաջ - 2023-01-11 17:59
Քաղաքական

Այս գործը շինծու է․ իրավապահ մարմինները հրահանգներով են շարժվում, այլ ոչ թե՝ օրենքով և իրավունքի ուժով․ Թադևոս Ավետիսյան

Մեր գնահատմամբ սա հերթական  քաղաքական բռնաճնշման փորձն է և բեմականացված։ Այս մասին ասաց ՀՅԴ անդամ, ՀՀ ԱԺ «Հայաստան» խմբակցության պատգամավոր Թադևոս Ավետիսյանը՝ անդրադառնալով վաղ առավոտից Արարատի մարզում և Երևան քաղաքում  ՀՅԴ-ականների տներում խուզարկություն իրակացնելու և բերման ենթարկելու վերաբերյալ։

«Մենք՝ ես և Աշոտ Սիմոնյանն այստեղ ենք, փորձեցինք  հասկանալ  իրողությունները և օգտվելով պատգամավորի՝ օրենքով սահմանաված իրավունքից փորձեցինք հանդիպել Մասիսի քննչական բաժնի պետին  և, ի զարմանս մեզ,  Քննչական կոմիտեի այս պաշտոնյան, խախտելով օրենքի հստակ ձևակերպված նորմը, մեր իրավունքը ոտնահարելով չընդունեց մեզ և որևէ բացատրություն չտվեց՝ պատճառաբանելով , իբրև՝ զբաղված է և սա հստակ իր վերադասի ցուցումն էր։   Սա առհասարակ  ապացույց է առ այն, որ այս գործը շինծու է և հրահանգներով են շարժվում իրավապահ մարմինները, այլ ոչ թե՝  օրենքով և իրավունքի ուժով։  Փաստացի այս բռնաճնշումներն ուցեղեկցվում են որոշակի քաղաքական պրոցեսնեով և ակնհայտ է , որ ցուցումներով, հստակ սցենարներով  շարժվող քաղաքական բռնաճնշումների գործադրմամբ փորձում են ազդել ընդդիմության վրա։ Միանշանակ է,  որ հակառակ ազդեցույթունն  է ունենալու և միանշանակ նման գործողություններից ոչ թե ճնշվում և վարանում ենք , այլ դառնում ենք առավել վճռական»,-ասաց Թադևոս Ավետիսյանը։

Մանրամասները՝ տեսանյութում։