Արցախն այս ու այն կողմ նետելու իր կամ առուծախի առարկա չէ․ Թևան Պողոսյան

Հասարակական-քաղաքական գործիչ Թևան Պողոսյանը ֆեյսբուքյան իր էջում գրում է.

«18 օր շրջափակման մեջ է Արցախի Հանրապետությունը:

Արցախն այս ու այն կողմ նետելու իր կամ առուծախի առարկա չէ: Արցախն անգին հայրենիք է, որի ամեն թիզ հողը արյամբ է սրբագործված: Արցախը սեր է, հույզ է, աչքի լույս ու ապրելու իմաստ է: Մի խոսեք Արցախի մասին ընդհանրապես, եթե չեք հասկացել, որ նրա մասին արտաբերած ամեն բառը կա´մ պիտի լույս ու սեր ճառագի, կա´մ չլինի ընդհանրապես:

Կեղտոտ կոշիկներով հեռու մնացեք իմ սրբությունից` այստեղ մուտքը միայն մաքրազերծված արտահագուստով է ու մաքրագործված ներքնաշխարհով: Արցախը կյանք է ու կյանքի իմաստ»։