2013 թվականին հենց այս նույն վայրում էր, որ ինձ բռնեցին, մխեցին. Թեւան Պողոսյան

ԱԺ «Ժառանգություն» խմբակցության պատգամավոր Թեւան Պողոսյանը, ով այս պահին Բաղրամյան պողոտայում է, Yerkir.am-ի հետ զրույցում ասաց, որ  որքան էլ պողոտան փակելը լրացուցիչ անհարմարություններ է  առաջացնում, միեւնույն է մարդիկ այլեւս ելք չունեն եւ ստիպված են այդ մեթոդներով պահանջել՝ կասեցնել սակագնի բարձրացման որոշումը:

 Պատգամավորը նշեց նաեւ, որ ինչպես անցած գիշեր, այնպես էլ այս գիշեր պատրաստ է ցուցարարների կողքին լինել եւ աջակցել նրանց: Yerkir.am-ի հարցին՝ միգուցե պատգամավորների ներկայությունն է ապահովում խաղաղ մթնոլորտը պողոտայում, պատգամավորն ասաց, որ դա միանշանակ չէ: Դիտարկմանը, թե պատգամավորները անձեռնմխելի են, դա արդյոք դեր չի խաղում, Թեւան Պողոսյանը հիշեցրեց. 2013 թվականին հենց այս նույն վայրում էր, որ ինձ բռնեցին, մխեցին»: