Երեկ Ուրուգվայի Սենատը հայտարարություն է ընդունել` դատապարտելով Հայաստանի Հանրապետության միջազգայնորեն ճանաչված տարածք Ադրբեջանի ներխուժումը:
Տարածված հայտարարությունն իր թվիթերյան էջում կիսվել է երկրի փոխնախագահ Բեատրիս Արգիմոնը` նշելով. «Կիսում եմ Ուրուգվայի Սենատի հայտարարությունը Հայաստանի և Ադրբեջանի միջև բախումների վերաբերյալ, որը միաձայն քվեարկությամբ մեր համերաշխությունն է հայտնում հայ ժողովրդին»:
Արգիմոնի թվիթով, իր հերթին, կիսվել է երկրի նախագահ Լուիս Լակալյե Պոուն: