Ուկրաինայի քաղաքական ռեժիմն ամբողջովին պետք է «ապամոնտաժվի»․ Մեդվեդև

ՌԴ անվտանգության խորհրդի ղեկավարի տեղակալ Դմիտրի Մեդվեդևը հայտարարել է Ուկրաինայի ռեժիմի ամբողջական «ապամոնտաժման» անհրաժեշտության մասին, որը վտանգ է ներկայացնում Ռուսաստանի համար։ Այս մասին փոխանցում է ՏԱՍՍ-ը։

«Ուկրաինական պետական ներկա դասավորվածությունն իր ազգայնական քաղաքական ռեժիմով մշտական, ուղիղ և բացահայտ վտանգ է ներկայացնում Ռուսաստանի համար։ Այդ պատճառով մեր ժողովրդի անվտանգության և երկրի սահմանների պաշտպանության նպատակով մեր գործողությունները ուղղված կլինեն Ուկրաինայի քաղաքական ռեժիմի ամբողջական «ապամոնտաժմանը», -նշել է նա։

Մեկնաբանելով գերճշգրիտ հրթիռներով Ուկրաինային հասցված հարվածները, Մեդվեդևը շեշտել է, որ առաջին հարվածները հասցված են, կլինեն հաջորդները։