կարևոր
4114 դիտում, 1 տարի առաջ - 2022-09-28 14:23
Քաղաքական

Նույնիսկ մասնակի իշխանափոխությունը տեղի կունենա միայն մեծ հանրային ճնշման պարագայում. Քոչարյան

Նույնիսկ մասնակի իշխանափոխությունը տեղի կունենա միայն մեծ հանրային ճնշման պարագայում. Քոչարյան

Իմ գնահատականով մասնակի իշխանափոխության տարբերակը ավելի թեթև տարբերկան է և ընդդիմության խորհրդարան գնալ-չգնալը դրա հետ կապ չունի: Նույնիսկ այդ տարբերակը կաշխատի միայն մեծ հանրային ճնշման պարագայում: Այս մասին սեպտեմբերի 28-ին հրավիրված մամուլի ասուլիսի ժամանակ ասաց ՀՀ երկրորդ նախագահ ռոբերտ Քոչարյանը, անդրադռանալով հարցին՝ ինչպես է համարում մասնակի իշխանափոխությունը խորհրդարանական ճանապարհով, երբ ընդդիմությունը չի գնում նիստերին:

«Ես չեմ հավատում որ խորհրդարան գնալ-չգնալով ազդեցություն ենք ունենում նման կարգի իշխանափոխության վրա, իհարկե ոչ: Միայն հանրային մեծ ճնշում է պետք երկու տարբերակներով իշխանափոխության համար: Հարց է առաջանում՝ երբեմն մարդիկ ինչո՞ւ են այս կամ այն իրավիճակը այսպես գնահատում: Մինչև ինտերնետը ընդունված էր, որ տգիտության  աստիճանը կապված է ինֆորմացիայի պակասի հետ, հիմա ոնց որ ավելցուկը ավելի վատ  ազդեցությունէ թողնում այդ ընկալումների վրա: Ինչ ասես չեն գրում, մարդիկ շփոթվում են ֆեյքերի և այդ անհեթեթությունների դաշտում»,-ասաց նա: