ՄԻՊ-ի հայտարարությունը անուղղակի ցուցում է վարույթն իրականացնող մարմնին․ փաստաբան

Այս պաշտոնյան արդեն զազրելի վարքագիծ է դրսևորում՝ հերթական անգամ դժբախտ դեպքն օգտագործելով քաղաքական նպատակներով, գրում է փաստաբան Րաֆֆի Ասլանյանը։

«Այսօր էլ ՀՀ մարդու իրավունքների պաշտպան Քրիստինե Գրիգորյանը հայտարարել է, որ ՀՀ վարչապետից է տեղեկացել, որ նա Սոնա Մնացականյանի վրաերթից տեղյակ չի եղել։ Այսպիսի հայտարարությունը անուղղակի ցուցում է վարույթն իրականացնող մարմնին, որպեսզի քրեական գործով քողարկվեն վարչապետի տեղեկացվածության վերաբերյալ ապացույցները։ Այսպիսի պայմաններում տուժող կողմը ինչպե՞ս կարող է քրեական գործով օբյեկտիվ քննության ակնկալիք, առավել ևս՝ երաշխիք ունենալ։ Այս պաշտոնյան արդեն զազրելի վարքագիծ է դրսևորում՝ հերթական անգամ դժբախտ դեպքն օգտագործելով քաղաքական նպատակներով…»,- ֆեյսբուքյան իր էջում գրել է փաստաբանը։