Հաղթենք թշնամուն՝ թե՛ փողոցում, թե՛ ֆեյսբուքում. նոր նախաձեռնություն՝ ՏՏ ոլորտից

Համաժողովրդական շարժմանը միացել են նաև տեխնոլոգիական ոլորտի ներկայացուցիչները: Նրանք կփորձեն պայքարել ոչ միայն փողոցում, այլ նաև սոցիալական հարթակներում:

Երեկ՝ մայիսի 10-ին, Ֆրանսիայի հրապարակում այս մասին հայտարարեցին ոլորտի ներկայացուցիչները՝ Խաչատուր Գրիգորյանը և Աշոտ Մինասյանը, ընդգծելով, որ խոսքը սոցիալական ցանցերում ավելի ուժեղ են դարձնում ուղիղ եթերներն ու գրառումները, որոնցից էլ պետք է օգտվել պայքարի նպատակներն ու անելիքները հասարակության լայն շերտերին ավելի հասանելի դարձնելու համար:

Այսպիսով, առաջարկվում է ամեն օր՝ ժամը 20:30-ին, անձնական էջերով ուղիղ եթեր մտնել կամ գրառումներ անել ու համայն աշխարհին պատմել, թե ինչու ենք մենք ուզում մնալ հայ, ինչու ենք ուզում ունենալ սեփական պետությունը՝ օգտագործելով #liveara #haymna #stayarmenian հեշթեգերը:

Հրապարակվել են նաև ֆեյսբուքյան և տելեգրամյան էջերը՝ միանալու համար։

«Live արա, հայ մնա, Live արա, որ թուրք չգա»