Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Ուկրաինայի նախագահ Վլադիմիր Զելենսկիի վերջին հարցազրույցներից մեկում հնչեցրած հայտարարությունները դժգոհություն են առաջացրել Թուրքիայում: Երեկ Ուկրաինայի նախագահը նշել էր, որ Թուրքիան մի կողմից աջակցում է Կիևին կարևոր հարցերում, բայց, մյուս կողմից, հետաքրքիր տուրեր է կազմակերպում ռուսաստանցի զբոսաշրջիկների համար։
Այս խոսքերին ի պատասխան՝ «Ազգայնական շարժում» կուսակցության նախագահ Դևլեթ Բահչելին հորդորել է Զելենսկիին` «զգույշ լինել» իր հայտարարություններում։
«Զելենսկին պետք է հարգանք ցուցաբերի թուրք ժողովրդի, թուրքական կառավարության և Թուրքիայի Հանրապետության նկատմամբ։ Ավելի լավ կլիներ, եթե Զելենսկին վստահեր թուրք ժողովրդին, ոչ թե Հունաստանին»,- ասել է «գորշ գայլերի» առաջնորդը։
Նա նաև հիշեցրել է, որ Թուրքիայի նախագահը շարունակում է «ջանքեր գործադրել» Ուկրաինայում կայուն և երկարաժամկետ զինադադար հաստատելու համար։