Փոխարժեքներ
01 04 2025
|
||
---|---|---|
USD | ⚊ | $ 391.57 |
EUR | ⚊ | € 423.72 |
RUB | ⚊ | ₽ 4.6159 |
GBP | ⚊ | £ 506.65 |
GEL | ⚊ | ₾ 141.57 |
Իրանի ԱԳՆ պաշտոնական ներկայացուցիչ Աբբաս Մուսավին հայտարարություն է տարածել այն մասին, որ Թեհրանը պատրաստ է ԱՄՆ-ի հետ փոխանակել այլ կալանավորների. այս մասին գրում է «ԻՐՆԱ» գործակալությունը, նշելով՝ նման հայտարարությամբ դիվանագետը հանդես է եկել իրանական բանտում գտնվող ամերիկացի վետերան Մայքլ Ուայթին ազատ արձակելուց օրեր անց:
Այս առնչությամբ նա, մասնավորապես, նշել է. «Եթե հնարավորություն լինի կալանավորների փոխանակման համար, մենք պատրաստ ենք դրան, որպեսզի ԱՄՆ-ում կալանավորված իրանցի քաղաքացիները վերադառնան հայրենիք»։
Հիշեցնենք, որ օրեր առաջ ԱՄՆ ռազմածովային ուժերի վետերան Մայքլ Ուայթը, որը ձերբակալվել էր Իրանում, 13 տարվա ազատազրկումից հետո ազատ է արձակվել և մեկնել Շվեյցարիա, որտեղից՝ ԱՄՆ: Հունիսի սկզբին Միացյալ Նահանգներն ազատ էր արձակել իրանցի գիտնական Սիրուս Ասգարիին: