ՏԵՍԱՆՅՈՒԹ․ Հաստիքային վկաներ են, որոնք եկել են կոնկրետ տեքստեր ասելու․ Կոչուբաևը՝ «բ*ի տղա Նիկո՛լ»-ի գործի մասին

Ցուցմունք տվող անձանց նույնաբովանդակ տեքստերից դժվար չէ կռահել, որ գործ ունենք ուղղորդվածության հետ. չեն հիշում ոչինչ, բացի կոնկրետ դեպքից՝ Yerkir.am-ին ասաց «բ*ի տղա Նիկո՛լ»-ի գործով փաստաբան Ալեքսանդր Կոչուբաևը Երևանի ընդհանուր իրավասության դատարանի Կենտրոնի նստավայրում։

«Նրանք հաստիքային վկաներ են, որոնք եկել են կոնկրետ տեքստեր ասելու: Կարծում եմ, որ դեռևս մի չորս-հինգ դատական նիստ այս շոուն կշարունակվի, բայց վերջում ես ակնկալում եմ կոնկրետ իրավական գնահատական այս գործին»,-ասաց փաստաբանը։

Հիշեցնենք, որ 10 անձի խուլիգանության մեղադրանք է առաջադրվել այն բանից հետո, որ ՀՀ գլխավոր դատախազության դիմաց լսվել է վանկարկում «բ*ի տղա Նիկո՛լ»։ Դատարանը պետք է պարզի՝ արդյո՞ք քաղաքացիներ Արսեն Վարդանյանը, Էմանուել Սինանը, Նարեկ Վերդյանը, Արշակ Սարգսյանը, Սարգիս Կարապետյանը, Տարոն Մանուկյանը, Մեսրոպ Եղիազարյանը, Աշոտ Հովհաննիսյանը, Բագրատ Եսայանը եւ Նարեկ Մանթաշյանն են եղել «բ*ի տղա Նիկո՛լ» վանկարկողները, և արդյո՞ք այդ բնորոշումը համարվում է խուլիգանություն: Մեղադրանքն առաջադրվել է հասարակական կարգը դիտավորությամբ խախտելու համար, որն արտահայտվել է հասարակության նկատմամբ բացահայտ անհարգալից վերաբերմունքով: Քաղաքացիների նկատմամբ խափանման միջոց է ընտրվել ստորագրությունը չհեռանալու մասին։

Մանրամասն՝ տեսանյութում․