Նոր տեքստեր` Աստծո Որդու մասին

Համաշխարհային գիտությունը հարստացել է Հիսուս Քրիստոսի երկրային կյանքի վերջին տարիների մասին նոր տեղեկություններով:

Մի խումբ գիտնականների հաջողվել է վերծանել 2 հազար տարի առաջ կապարե շերտերի վրա արված սուրբ տեքստերի մի մասը. տեղեկացնում են լոնդոնյան ԶԼՄ-ները: Դրանք հիմնականում գրված են եբրայերենի վրա հիմնված գաղտնագրերով եւ հիերոգլիֆներով:

Հինգ տարի առաջ Հորդանանի հյուսիսում տեղի բնակիչները հայտնաբերել էին մոտ 70 գիրք, որոնցից յուրաքանչյուրը կազմված էր մետաղալարով միմյանց միացված կապարե էջերից: Հայտնագործությունը գաղտնի էր պահվել, սակայն այն բանից հետո, երբ այդ հնագույն գրադարանի մի քանի պոտենցիալ գնորդներ դիմել էին գիտնականներին` դրա իրական լինելը ճշտելու համար, գանձի մասին հայտնի է դարձել լայն հասարակայնությանը: