ԵՄ եվրահանձնակատարը ԵՄ անդամակցության հայտի վերաբերյալ հարցաթերթիկ կհանձնի Վրաստանին և Մոլդովային

Ընդլայնման և հարևանության քաղաքականության հարցերով եվրահանձնակատար Օլիվեր Վարհեյը ապրիլի 11-ին Վրաստանին և Մոլդովային կհանձնի հարցաթերթիկ՝ կապված ԵՄ անդամակցության դիմումի հետ։

Ըստ եվրահանձնակատարի` պատասխանները կօգնեն Եվրահանձնաժողովին՝ նախապատրաստել տեսակետներ դիմումների վերաբերյալ:

«Նախագահ ֆոն դեր Լայենը հարցաշարը երեկ հանձնել է Ուկրաինային, իսկ երկուշաբթի ես այն կհանձնեմ Վրաստանին և Մոլդովային։ Պատասխանները կօգնեն Հանձնաժողովին՝ պատրաստել իր տեսակետները երեք երկրների կողմից ԵՄ-ին ներկայացված դիմումների վերաբերյալ, ինչպես պահանջում է Եվրամիության խորհուրդը»,- գրել է Վարհեյը Twitter-ում։