Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 2 տարի առաջ - 2022-04-07 20:23
Հասարակություն

ԵԱՀԿ-ը փոխարինում են Եվրախորհրդով. Շահան Գանտահարյան

ԵԱՀԿ-ը փոխարինում են Եվրախորհրդով. Շահան Գանտահարյան
Բրյուսելի եռակողմ հանդիպման մասին «Նոյյան Տապան»-ի հարցերին պատասխանում է քաղաքական վերլուծաբան  Շահան Գանտահարյանը: 
 
- Պարոն Գանտահարյան, ձեր տպավորությունները Բրյուսելում կայացած եռակողմ հանդիպումից։ 
 
- Բրյուսելի եռակողմ հանդիպման ամենաուշագրավ հարցերն էին.   
 
- Հայաստանի և Ադրբեջանի միջև սահմանազատումը, 
- Կայուն և անվտանգ իրավիճակի ապահովումը սահմանագծի երկայնքով և մերձակայքում: 
 
Մնացյալ բաժիները կարող են ընկալվել լարվածության թուլացման, խաղաղության հաստատմանն աջակցելու, նախորդ պայմնավորվածությունները հարգելու ընդհանուր կոչի սահմաններում։ 
 
Օրակարգը սահմանազատումն է, որն առաջադրանք է Բաքվի եւ Անկարայի համար։ Այս առաջադրանքին իբրև ճնշման միջոց կարող են դիտարկվել Փառուխի, Քարագլուխի ոտնձգությունները, գազատարի փակում-բացումը, նաեւ՝ ադրբեջանական զորքի հետքաշման ձգձգումը։  
 
- Ի՞նչ կետեր են բացակայում։ 
 
- Հիմնականը՝ առաջադրված բանակցությունների միջնորդական ձեւաչափն է։ Հիմա միջնորդություն է արվում մի քանի ուղղություններով։ Առաջին, ռուսական գերմիջնորդությամբ կայացած համաձայնությունները: Երկրորդ՝ փոխկապակցված են ընթանում Երեւան-Անկարա եւ Երեւան-Բաքու գործընթացները, հետևաբար անուղղակի միջնորդություն է ստանձնել  Թուրքիան։ Երրորդ՝ եվրոպական նախաձեռնությունը. Եվրախորհրդի նախագահն արդեն որերորդ անգամն է՝ իր մոտ հրավիրում Երեւանի եւ Բաքվի ղեկավարներին։ 
 
Բացակայում է, ուրեմն, ԵԱՀԿ-ը, որն ավանդաբար միջնորդական առաքելություն էր իրականացնում ՄԽ եռանախագահությամբ։ Խնդիրը միայն ռուս- թուրքական համաձայնությամբ չի բացատրվում։ Եռանախագահող երկրներից երկուսը պատժամիջոցային հետզետե խստացող քաղաքականություն են կիրառում երրորդի նկատմամբ եւ հիմա թվում է, որ բավական բարդ է համատեղ աշխատելը։ 
 
Փորձ է կատարվում ԵԱՀԿ-ը փոխարինել Եվրախորհրդով։   
 
Մեկնաբանելի է ուժերի միջև անվտանգության առումով համահավասար հեռավորության պահպանման գաղափարը։ Սա կարող է  նախանշել երկու ուժերի սահմանային զորքերի միջև գտնվող տարածքների վրա խաղաղապահ առաքելություն։ Եվրոպական կենտրոնից նման շեշտադրում, ուղերձ է ներառում Մոսկվայի նոր խաղաղապահության  մասին հարցեր ստեղծելը։ Որովհետև կա անմիջապես զուգակցված գաղափարը՝ Եվրոպան պատրաստ է աջակցելու անվտանգության առումով համահավաար հեռավորության ձևավորման գործընթացին։ 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը