27 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Նուրբ է իրավիճակը, և դժվար է ասել՝ վաղն ինչ որոշում կկայցնի ՄԱԿ-ի ԱԽ-ն: Այս մասին Alpha News-ի ուղիղ եթերում ասել է Լիբանանի «Ազդակ» օրաթերթի գլխավոր խմբագիր Շահան Գանտահարյանը՝ մեկնաբանելով, թե ինչ ակնկալիքներ ունեն գերտերություններից:
«Նուրբ է իրավիճակը, և դժվար է ասել՝ վաղն ինչ որոշում կկայցնի ՄԱԿ-ի ԱԽ-ն, քանի որ Ադրբեջանն ակտիվ աշխատում է: Հուսանք` բացի հայտարաություններից ՄԱԿ-ի ԱԽ-ն իր լիազորությունների շրջանակում կգործի և կստիպի, որ Արդարադատության միջազգային դատարանի որոշումները իրականացվեն: Այնուամենայնիվ, պետք է ակտիվ աշխատել, բազմակողմ դիվանագիտությամբ աշխատել, որ ՄԱԿ-ը ևս կանխարգելի Բաքվի կիրառած ցեղասպանական քաղաքականությունը»,- նշել է Գանտահարյանը:
Նա ներկայացրել է նաև Հայ դատի հանձնախմբի աշխատանքները Լիբանանում:
«Հայ դատի հանձնախումբը ակտիվ աշխատում է այստեղ, և փորձում է ճիշտ ներկայացնել հակամարտության էությունը, և թե ինչ ցեղասպան գործողություններ է իրականցնում Ադրբեջանը: Հայ դատի հանձնախմբի պատվիրակությունը բազմաթիվ դիվանագիտական ներկայացուցիչների հետ հանդիպումներ է կազմակերպել, հուշագրեր է ներկայացրել: Այսօր լիբանանյան լրատվամիջոցները արձագանքեցին Հայ դատի վերջին հաղորդագրությանը, որտեղ նշվում է նշանավոր ցեղասպանագետների կարծիքը Արցախում տեղի ունեցողի վերաբերյալ՝ պնդելով, որ Ադրբեջանը ցեղասպանական քաղաքականություն է վարում», նշել է Գանտահարյանը:
Նա կարեւորել է, որ համայնքը միշտ կանգնել է Արցախի կողքին, իրադարձությունները միշտ ճիշտ ներկայացրել, որպեսզի լիբանանյան հասարակությունը ևս ճիշտ ընկալի իրավիճակը։