Տիգրան Աբրահամյանը առաջարկում է՝ թոշակի անցած սպաները բուհերում անվճար սովորեն

Ունենում ենք իրավիճակ, երբ կադրային սպան, որը 20 տարվա ծառայությունն ավարտել է, կարգավիճակի առումով՝ երկարամյա  ծառայության զինվորական կենսաթոշակի իրավունք է վաստակել, պայմանական լինում է 37-38 տարեկան հասակում՝ հաշվի առնելով այն հանգամանքը, որ  մեր սպաները հիմնականում ստանում են ռազմական մասնագիտություն Հայաստանի կամ արտերկրի բուհերում, քաղաքացիական կյանք մտնելու համար անհրաժեշտություն է առաջանում նրանց ապահովել որոշակի պայմաններով․ ԱԺ պաշտպանության և անվտանգության հարցերի մշտական հանձնաժողովի նիստում ասաց «Պատիվ ունեմ» խմբակցության պատգամավոր Տիգրան Աբրահամյանը՝ ներկայացնելով նախագիծ, որը վերաբերում է  զինծառայողների կրթության իրավունքին։ Նա առաջարկում է երկու հիմնական փոփոխություն իրականացնել։

«Դա, մի կողմից, հնարավորություն է նրանց պահելու երկրում՝ արտագաղթման հնարավորության տեղերը նվազեցնելով, մյուս կողմից՝  ստեղծել պայմաններ, որպեսզի ադապտացվեն քաղաքացիական կյանքին, հնարավորություն ստանան  մագիստրատուրայի կամ ասպիրատուրայի պայմաններում ստանալու քաղաքացիական մասնագիտություն և հնարավորություն ունենալու ապրուստի շատ ավելի արժանապատիվ պայմաններ ապահովել»,- ասաց Աբրահամյանը։

Մանրամասն՝ տեսանյութում։