Ռուսաստանում ԶՈՒ վերաբերյալ ֆեյք-տեղեկություններ տարածելու համար 15 տարով կազատազրկվեն

Ռուսաստանի Դաշնության Քրեական օրենսգրքում փոփոխություններ են մտցվել․ ռազմական գործողություններում ՌԴ զինված ուժերի գործողությունների մասին ապատեղեկատվություն տարածելու համար պատիժ կսահմանվի՝ մինչև 15 տարի ազատազրկում։ Այդ մասին չորեքշաբթի լրագրողներին հայտնել է օրինագծի համահեղինակ, Պետդումայի անվտանգության և կոռուպցիայի դեմ պայքարի հանձնաժողովի ղեկավար Վասիլի Պիսկարյովը։

«Առաջին մասը ընդհանուր է, որը վերաբերում է նման կեղծիքների արտադրությանը և դրանց տարածմանը․ նախատեսվում է մինչև երեք տարվա ազատազրկում։ Եթե գործունեությունն իրականացվում է պաշտոնեական դիրքից՝ կազմակերպված խմբով, օգտագործելով համացանց և լայն տարածման այլ հնարավորություններ, ապա պատիժը կլինի բարձր՝ 5-10 տարի ազատազրկում։ Եթե ֆեյք տարածողը հաստատ գիտի, որ դրանք կեղծ են, և այդ տեղեկություններն ունեցել են հանրային վտանգավոր հետևանքներ, ապա 15 տարվա ազատազրկում է սպառնում»,- պարզաբանել է նա։