Պետդուման ընդունել է ԶՈւ վերաբերյալ կեղծիքների տարածելու համար ազատազրկման մասին օրենքը

Պետդուման երրորդ՝ վերջնական ընթերցմամբ ընդունել է օրինագիծ, որը քրեական պատիժներ և խոշոր տուգանքներ է նախատեսում ռուսական բանակը վարկաբեկող կեղծիքների և  Ռուսաստանի դեմ պատժամիջոցներ կիրառելու համար. գրում է «ՌԻԱ Նովոստի»-ն։

Փոփոխություններ են կատարվում Քրեական և Քրեական դատավարության օրենսգրքերում։

Փաստաթղթում նշվում է, որ նման հանցագործության համար ազատազրկման ժամկետը կարող է լինել մինչև 15 տարի, այն կկիրառվի, եթե կեղծիքները ծանր հետևանքներ ունենան։

Ռուսաստանի զինված ուժերի մասին կանխամտածված կեղծ տեղեկությունների տարածումը կպատժվի` 

- տուգանք 700 հազարից մինչև 1,5 միլիոն ռուբլու չափով, կամ մեղադրվողի աշխատավարձի կամ այլ եկամուտների չափով՝ մինչև 18 ամիս ժամկետով,

- ուղղիչ աշխատանք՝ մինչև մեկ տարի,

- հարկադիր աշխատանք՝ մինչև երեք տարի,

- նույն ժամկետով ազատազրկում։