Թուրքիայում կորոնավիրուսի վերաբերյալ խուճապ տարածելու համար 31 մարդ է ձերբակալվել

Թուրքիայի Ադանա քաղաքում նոր տեսակի կորոնավիրուսի վարակման դեպքերի մասին սոցցանցերում անհիմն և խուճապ առաջացնող հրապարակումների համար ձերբակալվել է 31 մարդ. այս մասին Yerkir.am-ը տեղեկանում է թուրքական Milliyet կայքից։

Ադանայի նահանգային ոստիկանությունը ժողովրդի մեջ վախ և խուճապ առաջացնելու, թշնամություն և ատելություն ստեղծելու մեղադրանքով խուզարկություններ է իրականացրել տարբեր անձանց բնակարաններում և աշխատավայրերում։

Նրանցից ոմանք համացանցում լուրեր էին տարածել, ըստ որի ամուսիններից մեկի մոտ թեստը դրական է եղել, ինչից հետո փախել է հիվանդանոցից։ Մեկ այլ հրապարակման համաձայն՝ բանկերից մեկում վիրուսի դեպք է հայտանբերվել։

Մարտի 11-ից սկսած Թուրքիայում արդեն ձերբակալել էին 64 հոգու։ Հիշեցնենք նաև, որ օրեր առաջ Ադանայում քաղաքացիներից մեկը 10.000 մարդու SMS հաղորդագրություն էր գրել՝ տեղեկացնելով նրանց իբր կորոնավիրուսով վարակված լինելու մասին։