Քննիչ հանձնաժողովում սուտ խոսող պաշտոնյաները կազատազրկվեն, եթե իմ նախագիծն ընդունվի. Արամ Վարդևանյան

Եթե մենք ունենայինք անկախ դատական համակարգ, ապա հիմա որոշակի իրավական գործընթացներ պետք է մեկնարկած լինեին և պատասխաններ տրված լինեին․ լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանը՝ անդրադառնալով պատերազմը չդադարեցնելու մասին եղած փաստերին:

«Փաստացի ասում ենք, որ հոկտեմբերի 7-ին կարելի էր կանգնեցնել պատերազմը, չի կանգնեցվել։ Հոկտեմբերի 19-ին Վլադիմիր Պուտինն է ասել, որ հնարավոր էր կանգնեցնել, հայկական կողմը չի համաձայնել: Այս պարագայում պետք է իրավական գործողություններ կատարվեին»,-ասաց նա:

Պատգամավորն անդրադարձավ նաև պատերազմի քննիչ հանձնաժողովի ստեղծմանը՝ նշելով, որ հեղինակել է նախագիծ, որ քննիչ հանձնաժողովում սուտ կամ կեղծ տեղեկատվություն հայտնող պաշտոնյաները ենթարկվեն ազատազրկման: